Արամ Պողոսյանը վայր է դնում ԵԿՄ Նոր-Նորք տ/բ-ի նախագահի լիազորություններն` ի աջակցություն բանակի եւ ազգի: Այս մասին տեղեկանում ենք կառույցի տարածած հայտարարությունից:
«ԵԿՄ Նոր-Նորք տարածքային բաժնի նախագահ Արամ Պողոսյանը, երեք պատերազմների մասնակից է, Արցախյան երրորդ պատերազմում 40 օր եղել է առաջնագծում, պայքարել հանուն հայրենիքի եւ ազգի պաշտպանության։ Նոյեմբերի 6-ին վիրավորվել է Շուշիի մարտերում, բայց շարունակել է մնալ Արցախում, Հայաստան է վերադարձել խայտառակ կապիտուլյացիոն պայմանագրի ստորագրումից հետո՝ իր երկրապահ ջոկատի հետ միասին։
2005թ.-ից լինելով ԵԿՄ Նոր-Նորք տ/բ-ի նախագահ միշտ գործել է ի նպաստ հայրենիքի։ Երբեք չքաղաքականացնելով բաժանմունքի գործունեությունը եւ որպես գաղափարախոսություն ունենալով «Ազգ-բանակ» կարգախոսը, Արամ Պողոսյանը վայր է դնում ԵԿՄ Նոր-Նորք տ/բ-ի նախագահի լիազորությունները ի աջակցություն բանակի եւ ազգի»,- ասվում է հայտարարության մեջ։