Մենք պահանջում ենք, որ ՀՀ նախագահն այսօր դիմի ՍԴ ԶՈւ ԳՇ պետին ազատելու վերաբերյալ վարչապետի առաջարկությունը Սահմանադրությանը հակասելու պահանջով: Այս մասին քիչ առաջ նախագահականի մոտ հայտարարեց ՓՊ նախագահ Արա Զոհրաբյանը։
«Եթե ՀՀ նախագահն այսօր չդիմեց, մեզ թողեց բախտի քմահաճույքին, մենք անպայման փորձելու ենք բացահայտել նախագահի վախերը, թե ինչու է նա վախենում վարչապետից, ինչու փոխեց իր կեցվածքը»,-ասաց նա:
Զոհրաբյանն ասաց, որ երկու տարբերակ կա՝ կամ վարչապետը պետք է հրաժարվի իր առաջարկությունից, կամ նախագահը պետք է դիմի ՍԴ. «Այս երկու ճանապարհներից որևէ մեկը չլինելու դեպքում, հայտնվելու ենք ճգնաժամային վիճակում»:
Եթե նախագահը չկատարի իր սահմանադրական լիազորություններն ու անգործություն ցուցաբերի, դա կարող է հիմք լինել նրա պաշտոնանկության գործընթացը սկսելու համար:
Զոհրաբյանը դրական պատասխան տվեց՝ նշելով, որ դա կոպիտ խախտում կլինի. «Եթե նախագահը չարտահայտեր, որ սա առերևույթ հակասում է սահմանադրությանը, հետո չասեր, որ սա կարող է բերել այս հետևանքների, ես կասեի, որ նախագահն այդպես է մտածում: Մենք իրեն չէինք կարող ասել, թե ինչու է այդպես մտածում: Սակայն նա արդեն արտահայտվել է:
Ստացվում է, որ նախագահն ումից վախենում է, նրա կո՞ղմն է բռնում: Մենք ուզում ենք, որ մեր նախագահը հետևի սահմանադրությանը»:
