Նազելի Բաղդասարյանը եթե մի բան ասում է, ուրեմն հիմքեր ունի: Այս մասին լրագրողների հետ զրույցում ասել է մեկ այլ իմքայլական պատգամավոր Արման Եղոյանը՝ խոսելով իր թիմակցի հայտարարության մասին, թե գերիներ կարող էինք վերադարձնել, սակայն ներքաղաքական խնդիրները խանգարել են:
Եղոյանի խոսքերով, պետք է դադարեցնել այդ թեմայով շահարկումները:
Հարցին, 4-5 ամիս քաղաքական խնդիրները խանգարում են գերիներին վերադարձնելուն, պատգամավորն ասաց. «Գիտե՞ք 1994 թվականի զինադադարից հետո երբ են վերադարձել առաջին գերիները, 95-ի գարնանը»:
Ինչ վերաբերում է Ալիևի հայտարարությանը, թե Ադրբեջանում ռազմագերիներ չկան, Եղոյանն ասել է, որ դա Ալիևն է ասում, բայց Ալիևի հայտարարությունից հետո 10 գերի վերադարձել է: