Մարիա Կարապետյան, Ձեր ասածը բացահայտ կեղծիք է, փաստերի կեղծում է ու շատ վիրավորական է Մարդու իրավունքների պաշտպանի սահմանադրական ինստիտուտի նկատմամբ՝ որպես կառավարող խմբակցության անունից այդպիսի ուղերձներ հղելը: Այս մասին խորհրդարանում հայտարարեց ՀՀ ՄԻՊ Արման Թաթոյանը՝ դիմելով իմքայլական Մարիա Կարապետյանին:
«Ես ասացի, որ A կարգավիճակը մենք ստացել ենք 2016, 17, 18 թվականների գործունեությունը գնահատելու համար: Հետևաբար Մարդու իրավունքների պաշտպանը միշտ է եղել անկաշկանդ, եթե անկաշկանդ չլիներ, 2018 թվականի ապրիլ-մայիս ամիսների իրադարձությունների ժամանակ միջազգային բարձրադիր ամբիոններից գնահատականի չէր արժանանա»,-ասաց նա:
