Լիբիայի նախկին առաջնորդ Մուամմար Քադաֆին Ղազախստանի նախկին նախագահ Նուրսուլթան Նազարբաևին 20 միլիարդ դոլար է առաջարկել Ղազախստանի տարածքում խորհրդային միջուկային զենք պահելու համար: Նազարբաևը դա խոստովանել է «Ղազախստան. Ոսկե մարդու պատմություն» ֆիլմում, որը ցուցադրվել է Մոսկվայում:
ԽՍՀՄ փլուզումից հետո Ղազախստանը մնաց իր միջուկային զինանոցի մի մասը, ինչը երկիրը դարձրեց առաջին իսլամական միջուկային պետություն: Դրանից հետո, ըստ նախկին նախագահի, իր մոտ սկսել են գալ տարբեր երկրների, այդ թվում՝ Մեծ Բրիտանիայի, ԱՄՆ-ի և Պաղեստինի ղեկավարները: Ավելին, վերջինս ընդհանրապես չէր ներկայացնում իր երկիրը:
«Նրան ուղարկել էր Մուամմար Քադաֆին՝ միջուկային զենքի հետ կապված իրավիճակը պարզելու համար: Բնականաբար, ես միտք չունեի այդ հրթիռները վաճառելու մասին: Ես պարզապես ասացի՝ դրանց պահպանումը շատ թանկ է, Ղազախստանը չի դիմանա: Որքան փող է պետք, այդ ժամանակ ես չէի պատկերացնում փողի չափը, հատկապես դոլարով: Այդպես, կատակով վերցրեցի և ասացի՝ 20 միլիարդ»,-հիշել է Նազարբաևը:
Պաղեստինի առաջնորդը շատ լուրջ էր ընդունել հայտարարված գումարը և ասել, որ փողը կլինի: Լրագրողի հարցին ի պատասխան, Ղազախստանի նախկին նախագահը խոստովանել է, որ ինքը Քադաֆիից ոչինչ չի ստացել:
