Կառավարության այսօրվա նիստում որոշվեց մի շարք քաղաքացիների ազատել շարքային կազմի պարտադիր զինվորական ծառայությունից:
Մասնավորապես, զինծառայությունից ազատվում են հետևյալ անձինք.
Շարքային կազմի պարտադիր զինվորական ծառայությունից ազատել՝
1) Արկադի Սամվելի Սուրուջյանին
2) Մհեր Ալեքսանի Պետրոսյանին
3) Միքաել Արայի Պողոսյանին
4) Արկադի Սուրենի Մկրտիչյանին
5) Անդրե Մ Քորիի Սփայթին
Որոշման հիմնավորման մեջ նշվում է, որ ՀՀ նախագահի հրամանագրերով այդ անձանց քաղաքացիություն է շնորհվել, որից հետո նրանց տարկետում է տրվել զինծառայությունից:
Այս անձինք հանդես են գալիս բասկետբոլի Հայաստանի Հանրապետության ազգային հավաքական թիմի կազմում նախապատրաստվելու և մասնակցելու են Եվրոպայի առաջնության նախընտրական փուլերի խաղերին:
Հետևաբար անհրաժեշտություն է առաջացել նրանց ազատել շարքային կազմի պարտադիր զինվորական ծառայությունից:
