Հասարակություն 

ՌԴ մուտք գործելիս «Ճամփորդում եմ առանց COVID-19» հավելվածը կլինի պարտադիր երրորդ երկրների քաղաքացիների համար

analitik.am

 

Ռուսաստանի Դաշնության կառավարությունը հաստատել է երկիր մուտք գործելիս «Ճամփորդում եմ առանց COVID-19» հավելվածի պարտադիր օգտագործման կարգը:

Հուլիսի 25-ից այդ հավելվածի միջոցով ՊՇՌ թեստավորման բացասական պատասխանը պետք է ներկայացնեն օտարերկրյա քաղաքացիները և քաղաքացիություն չունեցող անձինք, ինչպես նաև Բելառուսի Հանրապետության այն քաղաքացիները, ովքեր Ռուսաստանի Դաշնություն են մտնում Եվրասիական տնտեսական միության անդամ երկրների տարածքներից`օդային անցակետերով: Բացառություն է երրորդ երկրից ԵԱՏՄ անդամ երկրներով Ռուսաստան եկած անձանց համար, որոնք անցնում են տարանցիկ երթուղով կամ կարճ կանգառով, պայմանով, եթե ներկայացնեն վերջին երեք օրվա ընթացքում արված ՊՇՌ թեստի բացասական պատասխան:

Եվ սեպտեմբերի 1-ից հավելվածը կդառնա պարտադիր օտարերկրյա քաղաքացիների, քաղաքացիություն չունեցող անձանց, ինչպես նաև Բելառուսի Հանրապետության այն քաղաքացիների համար, ովքեր մուտք են գործում Ռուսաստանի Դաշնություն Ադրբեջանից,  Մոլդովայից, Տաջիկստանից, Թուրքմենստանից, Ուզբեկստանից ՌԴ պետական սահմանի օդային անցակետերի միջոցով:

Կրկին բացառություն կլինի այն քաղաքացիների համար, որոնք անցնում են տարանցիկ երթուղով կամ կարճ կանգառով: Այս դեպքում ևս նրանք պետք է ունենան վերջին երեք օրվա ընթացքում արված ՊՇՌ թեստի բացասական պատասխան:

 

  •  
  •  
  •  
  • 1
  •  
  •  
  •  
  •  
  •  
    1
    Share

Նույն շարքից