Քիչ առաջ «Եռաբլուր» էր այցելել պաշտպանության նախարար Արշակ Կարապետյանը:
Լրագրողների դիտարկումներին, թե երկրում խնդիրներ կան, Արշակ Կարապետյանը չպատասխանեց: Չպատասխանեց նաև այն հարցին, թե անվտա՞նգ է արդյոք Գորիս-Կապան ճանապարհը, կամ ունի՞ ինքն արդյոք պատասխանատվություն՝ կորցրածը հետ բերելու:
Այս հարցերը, սակայն, Արշակ Կարապետյանին չէին հետաքրքրում, կամ վերջինս չուներ դրանց պատասխանները:
«Ես ինչ ուզեցի, ասացի»,- ասաց թիկնապահների ամուր շղթայի մեջ խրոխտ քայլող Արշակ Կարապետյանը՝ շտապելով հնարավորինս շուտ նստել իր մեքենան ու հեռանալ:
Նա լրագրողների հետ զրույցում ցավակցեց 44-օրյա պատերազմում զոհվածների ընտանիքներին: Լրագրողի հարցին՝ պատերազմում կորցրածը հետ ենք բերելու՞, թե՞ ոչ, Արշակ Կարապետյանը չպատասխանեց:
