Բարի օր Գլխավոր Հասարակություն Միջազգային Քաղաքականություն 

Հայաստանում Ռուսաստանի դեսպանատանը մեկ րոպե լռությամբ հարգել են Լեռնային Ղարաբաղում ռազմական գործողությունների ընթացքում զոհվածների հիշատակը

analitik.am

Հայաստանում Ռուսաստանի դեսպանատանը մեկ րոպե լռությամբ հարգել են մեկ տարի առաջ սկսված Լեռնային Ղարաբաղում ռազմական գործողությունների ընթացքում զոհվածների հիշատակը:

Ռուսաստանը հատկապես կարևորում է այն փաստը, որ Հայաստանի բնակչությունը հնարավորինս շուտ հաղթահարի պատերազմի հետևանքով առաջացած սթրեսը, իրեն ապահով զգա և ապագայի հանդեպ վստահություն ձեռք բերի: Որպես դաշնակիցներ՝ մենք միշտ պատրաստ ենք աջակից լինել:

Ակտիվ ջանքեր և գործնական քայլեր են ձեռնարկվում տարածաշրջանային կայունությունն ու անվտանգությունը պահպանելու, անցյալ տարվա աշնանը լայնածավալ ռազմական գործողությունների հետևանքները հաղթահարելու համար, ներառյալ՝ քաղաքացիական ենթակառուցվածքների վերականգնման, փախստականների վերադարձի և հա գերիների ազատ արձակման հարցի վերջնական լուծմանն աջակցելը:

Ռուսական կողմն անմիջականորեն ներգրավված է տարածաշրջանում բարենպաստ պայմաններ ապահովելու միջոցառումների մշակման մեջ:

Ռուսաստանը կշարունակի միջնորդական ջանքերը ինչպես իր ազգային, այնպես էլ ԵԱՀԿ Մինսկի խմբի շրջանակներում` Լեռնային Ղարաբաղի հակամարտության երկարաժամկետ լուծում գտնելու համար:

Մենք մեր ամենաանկեղծ ցավակցությունն ենք հայտնում զոհվածների և վիրավորների ընտանիքներին և հարազատներին, ասված է ՌԴ դեսպանության հաղորդագրության մեջ։

  •  
  •  
  •  
  •  
  •  
  •  
  •  
  •  
  •  

Նույն շարքից