Կամավորների միջազգային օրվան ընդառաջ՝ «Հայ Կամավորների Բանկ» ԵՀԿ-ն սկսում է «Կամավորությունը հավաստագիր չէ» նախաձեռնությունը:
Նախաձեռնության արդյունքում կստեղծվի #ԿամավորությանՊատմագիրք, որն ամեն տարի կհամալրվի նոր ու հետաքրքիր պատմություններով և կդառնա Հայաստնում կամավորության պատմության յուրատեսակ Մատյան:
Նախաձեռնության նպատակն է հավաքագրել կամավորության հետաքրքիր պատմություններ, որոնք կարևոր դերակատարություն և ներգործություն են ունեցել անհատի զարգացման և կայացման գործում, ինչպես նաև ներկայացնել այն բոլոր օգուտները, որոնք անհատը ձեռք է բերում կամավորության ընթացքում:
Լավագույն պատմությունները կամփոփվեն Կամավորության պատմագրքում:
Ինչպե՞ս մասնակցել՝
անհրաժեշտ է ներկայացնել կամավորության պատմությունը, կամավորության շրջանակում արված մեկ լուսանկարով՝ տեղադրելով ֆեյսբուքյան էջում և անպայման նշելով #Կամավորությունը_հավաստագիր_չէ հեշթեգը, որպեսզի հեշտությամբ գտնենք պատմությունը: Կարևոր է նաև նշել 2 ( և ավել) ընկերների, ում պատմությունը կարող է ոգևորիչ լինել:
Կամավորության պատմություններն անհրաժեշտ է ներկայացնել մինչև դեկտեմբերի 3-ը:
Լավագույն պատմության հեղինակը կստանա խրախուսական մրցանակ:
Հաղթողին կհայտարարենք դեկտեմբերի 5-ին՝ Կամավորների միջազգային օրը, ժամը 17:00:
Ուրախ կլինենք համագործակցել Ձեզ հետ՝ մասնավորապես նախաձեռնության լուսաբանման գործում: