Հայաստանի պետական սիմֆոնիկ նվագախումբը մայիսի 2-ին՝ ժամը 19։00-ին, հրավիրում է Արամ Խաչատրյան համերգասրահ՝ ներկա գտնվելու անվանի նկարիչ, արվեստաբան Հենրիկ Իգիթյանի 90-ամյակին նվիրված երեկոյին։
Համերգի մենակատարն է ջութակահար Սերգեյ Դոգադինը։ Համերգը կղեկավարի դիրիժոր Անդրեաս Օտտենսամերը։ Ծրագրում ներառված են Յոհաննես Բրամսի Ջութակի կոնցերտը և թիվ 3 սիմֆոնիան։
Մինչ համերգը՝ ժամը 18։00-ին, Արամ Խաչատրյան համերգասրահի նախասրահում կներկայացվեն աշխատանքներ Մանկական արվեստի թանգարանի 50-ամյակին նվիրված ցուցահանդեսից։
Հենրիկ Իգիթյանի 90-ամյակին նվիրված երեկոն կանցկացվի ՀՀ կրթության, գիտության, մշակույթի և սպորտի նախարարության աջակցությամբ։
