«Դիմադրություն» շարժման ավտոերթերից մեկի ընթացքում ոստիկանները տուգանեցին վարորդներից մեկին։ Երթի ժամանակ մեքենային ամրացված դրոշը փակել էր մեքենային համարանիշները, ինչը ոստիկանները համարեցին խախտում և տուգանեցին վարորդին 25․000 դրամով։ Վարորդը, սակայն, հրաժարվեց ստորագրել արձանագրության տակ՝ հիմնավորելով, որ համաձայն չէ տուգանքի որոշման հետ։
Ինչից հետո լարվածություն սկսվեց ավտոերթի մասնակիցների և ոստիկանների միջև։ Կարմիր բերետավորենրը սկսեցին հերթով բերման ենթարկել մեքենայի վարորդներին։
Հիշեցնենք, որ այսօր Երևանում «Դիմադրություն» շարժումը 5 ուղղություններով ավտոեթեր է անցկացնում: Նախօրեին ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանը հայտարարել էր, որ ժամը 8:00-ից սկսելու են տարբեր տեսակի ակցիաներ, տեղի են ունենալու ավտոերթեր, իսկ հանրահավաք տեղի չի ունենալու հաշվի առնելով եղանակային պայմանները։