Այսօր խոշոր ու շղթայական ավտովթար է տեղի ունեցել Երևանում: Ժամը 15:30-ի սահմաններում Արշակունյաց պողոտա-Բագրատունյաց փողոցի խաչմերուկում բախվել են BMW, Honda, Nissan, Ford Transit և ЗИЛ մակնիշի ավտոմեքենաները, հայտնում է shamshyan.com-ը:
Վթարի հետևանքով 2 անչափահաս երեխաներ բժշկական օգնություն ստանալու նպատակով տեղափոխվել են «Շենգավիթ» բժշկական կենտրոն:
Վթարի փաստով նյութեր են նախապատրաստվում: Պարեկային ծառայությունը պարզում է վարորդների և վիրավորների ինքնությունը:
