«Ազատ դեմոկրատներ» կուսակցության նախագահ Խաչատուր Քոքոբելյանը ֆեյսբուքյան էջում անդրադարձել է հոր անհետանալուն․
«Սիրելի ընկերներ, հարազատներ, ծանոթ և անծանոթ մարդիկ,
Ուզում եմ տեղեկացնել, որ հայրս ողջ և առողջ տանն է:
Շնորհակալ եմ բոլոր բարի մարդկանց, ովքեր մեր կողքին էին` իրենց աջակցությամբ և օգնությամբ:
Շնորհակալ եմ պետական համապատասխան կառույցներին իրենց ներդրած բոլոր ջանքերի համար:
Վստահ եղեք, որ արդարը և բարին միշտ հաղթում են:
Աստված պահապան բոլորիս ընտանիքներին, եղեք առողջ և անվտանգ»:
Shamshyan.com-ի տեղեկություններով՝ այսօր, ժամը 14։00-ից 14։30-ն ընծած ժամանակահատվածում Իջևան-Դիլիջան ավտոճանապարհի՝ Կուժ Աղբյուրի հարակից տարածքում հայտնաբերվել է մի քանի օր որպես անհայտ որոնվող հայտնի քաղաքական գործիչ Խաչատուր Քոքոբելյանի հայրը։
Ինչպես հայտնում է ֆոտոլրագրող Գագիկ Շամշյանը, վերջինս ձեռնափայտով ման գալիս է եղել, երբ նրան հարազատները հայտնաբերել են, ու իջևանյան մեր աղբյուրները հայտնում են, որ նրան անմիջապես տեղափոխել են ոստիկանության Իջևանի բաժին, որտեղից էլ ներկայացվել է Հայաստանի քննչական կոմիտեի Տավուշի մարզային քննչական վարչություն։