«Երկիր»-ի խմբագիր Վահե Սարգսյանը ֆեյսբուքյան իր էջում տեսանյութ է հրապարակել ու գրել.
«Սփյուռքում (այս անգամ՝ Գերմանիայում) հերթական անգամ խայտառակվել է Գլենդելից ՀՀ եկած հայտնի խոպանչի ոմն Զարեհ Սինայնանը, ով հարկատուներիս գումարներով զբաղված է Սփյուռքի պառակտմամբ ու ավանդական կառույցների ոչնչացման ողորմելի փորձերով:
Ներկաներից մեկը շատ ճիշտ նշեց՝ տո դու ի՞նչ պիտի ասես, որ լսենք:
Դե, նշված խոպանչուն մնում է մի գործ՝ գործ տալը, այն է՝ ամեն համայնքից հավաքել բոլոր արժանապատիվ սփյուռքահայերի անուններն ու տվյալները, հանձնել իր շեֆին, որպեսզի արագորեն արգելվի այդ մարդկանց մուտքը հայրենիք: Սա է դրա իրական և միակ գործը»։
Տեսանյութում ներկաներից մեկը Սինանյանից պահանջում է բացատրել, թե որտե՞ղ է ու ի՞նչ է արվել Սփկուռքի կողմից ուղարկված 150 մլն դոլարով։
Նշենք, որ Նիկոլ Փաշինյանի՝ մայիսի 5-ի որոշմամբ Սինանյանը գործուղվել է Գերմանիա։
« Սփյուռքի գործերի գլխավոր հանձնակատար Զարեհ Ջոն Սինանյանին և Սփյուռքի գործերի գլխավոր հանձնակատարի գրասենյակի սփյուռքի ներուժի քարտեզագրման և ներգրավման վարչության պետ Կարեն Ավանեսյանին 2023 թվականի մայիսի 7-14-ը ներառյալ գործուղել Գերմանիայի Դաշնային Հանրապետություն (Մյունխեն՝ մայիսի 7-9-ը, Քյոլն՝ մայիսի 9-10-ը, Բեռլին՝ մայիսի 10-12-ը, Համբուրգ՝ մայիսի 12-14-ը)՝ համայնքային կառույցների ներկայացուցիչների, կրթամշակութային և գործարար ոլորտի գործիչների հետ հանդիպումներ ունենալու և համագործակցության հետագա ուղիները քննարկելու նպատակով»,-ասված է որոշման մեջ։
