Մայրաքաղաք Երևանում վարորդները շարունակում են պայքարել փողոցների փոսերի դեմ: Քաղաքացիներն արդեն իրենց հույսը կտրել են քաղաքապետարանից ու սեփական ուժերով են պայքարում վթարային իրավիճակների հետ:
Վարորդները շատ լավ գիտեն, որ ճանապարհային փոսերը շատ հաճախ են դառնում վթարների կամ վթարային իրավիճակների պատճառ: Դրանք հատկապես վտանգավոր են, երբ նկատվում են վերջին պահին: Որպեսզի այդ չարաբաստիկ փոսերը վերջին պահին չհայտնվեն տեսադաշտում, քաղաքացիները դրանց մեջ տարբեր առարկաներ են տեղադրում՝ ճտքավոր կոշիկներից մինչև տոնածառ:
Իսկ այդ ընթացքում քաղաքապետարանի համապատասխան պաշտոնյաները նիստերի ժամանակ հանգիստ տոնով զեկուցում են փոսալցման աշխատանքների այս կամ այն չափով կատարելու մասին:
Լուսանկարը՝ Վարորդի ընկեր էջից: