Քաղաքական վերլուծաբան Վարդան Բալյանն ուսումնասիրել է ադրբեջանական սոցմեդիա հարթակում ծավալված թեժ քննարկումները՝ Թուրքիայի նախագահի վերջին հայտարարության հետ կապված։ Այդ մասին վերլուծաբանի դիտարկումը՝ ստորև․
«Էրդողանի Բաքվում արված հայտարարությունը Զանգեզուրի միջանցքի հետ կապված ադրբեջանական սոցմեդիա հարթակում թեժ քննարկումների առիթ է դարձել: Հատկանշական է, ըստ որում, որ քննադատներն ավելի շատ են: Ներկայացնում եմ հանրային տրամադրությունների մասին պատկերացում ձևավորող առանձին գրառումներ և մեկնաբանություններ, որոնք կօգնեն նաև հասկանալու Ադրբեջանի ներսում տիրող իրական վիճակը:
Günay Həsənova
Քո գաղափարը նոր պատերազմ է ծնում:
Ülviyyə Əlizade
Ինչու՞ է նա քիթը խոթում ամեն տեղ կարծես ինքն է ղեկավարում Ադրբեջանը, ամեն ինչին խառնվում է:
Xatirə İsgəndərli
Ծեր շուն, քեզ ընդհանրապես ի՞նչն է հետաքրքրում: Ադրբեջանը կերաք, թալանեցիք հիմա էլ Զանգազուրն եք ուզում:
Heydər Əliyev
Մենք որդիներ չունենք, որ զոհենք ինչ-որ մեկի քմահաճույքի համար։ Սրանք մեզ նոր պատերազմի են տանում:
Namiq İbişov
Այս ամբողջ ընթացքում Թուրքիան ցանկանում է Ադրբեջանին դնել նույն իրավիճակում, ինչ Սիրիային:
Xalid Səməndərli
Ադրբեջանը Իրանի հետ որեւէ խնդիր չի ունեցել, քանի դեռ Թուրքիան չի ներթափանցել Ադրբեջան: Էրդողանը կարողացավ անել այն, ինչ ինքն ամենից լավ գիտի՝ Ադրբեջանին թշնամացրեց Իրանին Իսրայելի ուղղորդմամբ:
Զանգեզուրի միջանցքը այդ խաղի մի մասն է։
Shamo Asgerov
Պարոն Թայիբ, քո երկրի անունից պատերազմ հայտարարիր Իրանին և եթե դա քո իրավունքն է, պահանջիր վերականգնել միջանցքը: Խնդրում եմ մի ընտրեք մեր ազգը որպես զոհաբերություն ձեր «մեծ ծրագրերին»:
Həsən Nağıyev
Պարզ դարձավ, թե ինչու էր Էրդողանը եկել Ադրբեջան: Էլի լարվածություն կստեղծի, նախագահ ընտրվելուն պես սկսեց իր հին գործը:
Aytac Həsənova
Տարիներ շարունակ ասում էին Ղարաբաղը առանց ռուսի համաձայնության չենք կարող ստանալ, հիմա էլ ասում են, որ Զենգեզուրը առանց Իրանի համաձայնության չենք կարող ստանալ։
Cabir Pənahlı
Էրդողանը կրկին ուզում է աշխարհը խառնել իրար:
Hikmət Nurullayev
Իրանը հարգելի պատճառներ ունի: Ինչու պետք է Իրանը վստահի իսրայելական տիկնիկներին, ովքեր քո նման թշնամաբար են տրամադրված:
Akşin Səfiyev
Երբ է Ղարաբաղը լրիվ հետ վերցվելու: Խանքենդին, Խոջալուն, քանի հազար նահատակ զոհվեց վերջին պատերազմում: Քանի հազար եք ցանկանում զոհաբերել հիմա:
Xəyal Əsədov
Այսպես են ազգը սպանում իրենց համար հարստանալու նոր հնարավորություններ ստեղծելու համար ու էլի խեղճերի երեխաների կյանքի հաշվին:
Atabey Şemiyev
Ինչո՞ւ է Թուրքիան ավելի շահագրգռված Զանգեզուրի միջանցքով, քան որեւէ մեկը, նույնիսկ Ալիևը: Մի խոսքով ուզում է մեզ խաղալիք սարքի իր շահերի համար։
Dilare Penahlı
Էրդողանը կրկին իր ամպուլայի մեջ է: Ընդմիջումն ավարտվեց, նորից լարվածությունը մեծանում է։
Zakir Aliyev
Զանգեզուրը Իսրայելի շահերից է բխում, ոչ թե Ադրբեջանի, դրա համար էլ Իրանը դեմ է։
Zulfuqar Nesirli
Զանգեզուրը Իսրայելի պրոյեկտն է, Էրդողանի յուրաքանչյուր քայլում ակնհայտ է Իսրայելի ստրուկի պահվածքը:
Zulfiyye Dadasova
Աստված պահապան մեր ազգին ընկերոջ դիմակի տակ թաքնվող սատանաներից։ Էրդողանը սատանա է:
Günay Esedova
Ադրբեջանին տաքացրիք, թե Ղարաբաղի հարցը գյոռբագյոռ կանենք, էդքան ջահելներ կոտորվեցին։ Հիմա էլ Զանգեզուրն է ուղեղում։ Գրողը տանի քեզ:
Ruslan Mehdiyev
Էրդողանը թող գնա իր ժողովրդի մասին հոգ տանի մեր ներքին հարցերին խառնվելու փոխարեն, և իր շահերի համար Իրանի ու մեր միջև լարվածություն չստեղծի։
Aylin Hossein
Էրդողանը իսկական սուտասան է, երկերեսանի ծերունի։ Սիրիան կործանեց հիմա էլ մեր հայրենիքն է ուզում ավերել մասոնների շունը/թուլան:
Valide Manafova
20 տարի է զբաղված է աշխարհը խառնելով։ Ում ընկեր է ասել, մեջքից խփել է։ Զանգեզուրը Իսրայելի պրոյեկտն է, մեր շահն այդտեղ չկա:
Ilkin Cebrayilov
Էրդողանի հին սովորույթն է, գալ ու կռիվ գցել երկու հարևան երկրների միջև Իսրայելի հրամանով:
Babək Şirəliyev
Հեյ Էրդողան, Սիյավուշի ասած՝ անամոթներ շատ եմ տեսել, բայց քո նմանը չեի տեսել։
Xalid Məmmədov
Նայեք ինչքան է Ադրբեջանը թույլ տվել սրան, որ սա քիթը խոթում է մեր երկրի ամեն գործի մեջ։
Fatime Abbasova
Այ այսպես Ղարաբաղն արդեն զարգացրել են, հիմա էլ անցնում են Զանգեզուրին։
Dürnisə Vəliyeva
Էս շունն էր, որ Ադրբեջանին դարդը տվեց ու խառնեց իրար։ Գնացեք ձեր երկրի գործերով զբաղվեք Զանգեզուրի մասին մտածելու փոխարեն՝ սովից մարդիկ մեռնում են:
Turan Qasımov
Ադրբեջանը կործանվեց, երբ Էրդողանը ջերմացրեց հարաբերությունները Ադրբեջանի հետ: Աշխարհը խառնեց իրար, հիմա էլ Զանգեզուրում է կռիվ սարքում:
Cəfər Mehdiyev
Սատանայությունը դեմքից թափվում է։ Հասկանալի է, որ էրդողանը մեզ օգտագործում է իր քաղաքական խաղերի ու շահերի համար՝ մեզ եղբայր անվանելով:
Hesen Eliyev
Այս մարդը հաստատ Ադրբեջանը իր անձնական սեփականությունն է համարում, դրա համար ինչ ուզում ասում է ու գործիք սարքում մեզ իր սեփական խաղի համար:
Zeyneb Zeynalova
Հիմա էլ ջահելներին տարեք Զանգեզուրի համար, որը ժողովրդի հոգսերի հետ ոչ մի կապ չունի:
Musa Nagıyev
Պարզ էր, թե ինչու էր Էրդողանը գալիս մեր երկիր: Հազարավոր նահատակներ ու 10 հազար հաշմանդամ տվեցինք, Ղարաբաղը լրիվ չկարողացանք ազատագրել, հիմա էլ Զանգեզուրի հարցն են ուզում լուծեն ու նորից կոտորեն մեր ազգին։ Թող Աստված զգոնություն տա և օգնի մեր ժողովրդին:
Qurban Elesgerov
Սրա համար էիք ուզում լիքը երեխա ունենանք, որ տանեք սպանեք»:
