Այսօր կառավարության նիստում Նիկոլ Փաշինյանին զեկուցվեց, որ հուլիսի 1-ից թոշակառուներն արդեն ստանում են բարձրացած թոշակ:
Կառավարության ղեկավարն անդրադարձավ նաև ետվճարի ծրագրին՝ հայտարարելով, որ այդ դեպքում թոշակների մասով ավելի բարձր ցուցանիշ է գրանցվում:
Փաշինյանը հայտնեց ահազանգերի մասին, որ շատ թոշակառուներ անկանխիկն իրականացնում են, սակայն տեսնում են, որ ամսվա վերջում ետվճար չեն ստանում: Դրա պատճառն այն է, որ տվյալ բանկը չի մասնակցում ետվճարի ծրագրին:
Նա թոշակառուներին հորդորեց հետաքրքրվել՝ արդյո՞ք իրենց բանկերը մասնակցում են սույն ծրագրին: Եթե այդ բանկերը չեն մասնակցում, թոշակառուները կարող են փոխել իրենց բանկերը:
Փաշինյանի համար անհասկանալի է, թե ինչու որոշ բանկեր չեն մասնակցում ծրագրին: