Նարեկ Մալյանի փաստաբան Ռուբեն Մելիքյանը հարց ուղղեց իր պաշտպանյալի գործով փորձագիտական եզրահանգման հեղինակ հոգեբան Անի Վարդանյանին․ «Կարո՞ղ եք նշել՝ Ձեր մեջբերած գրականության մեջ, որ հեղինակավոր գրականության մեջ է, որ արտահայտված է միտք, որի համաձայն հնարավոր է խոսքի հոգեբանական փորձաքննություն անցկացնել առանց խոսք արտահայտողի հոգեբանական հատկանիշների, խոսքի արտահայտման պայմանների»։
Փաստաբանի հարցին պատասխանելիս փորձագետը հրապարակված «հարուստ» և տարատեսակ հեղինակներով լի գրականության ցանկից հղում կատարեց իր իսկ հեղինակած հոդվածին։
Ստացվում է, որ հոգեբանը եզրակացություն է տվել՝ հիմնվելով իր իսկ գրածի վրա:
Հիշեցնենք, որ այս պահին դատարանը քննում է Նարեկ Մալյանի խափանման միջոցի հարցը։