Ուկրաինայի արտաքին գործերի նախարար Դմիտրի Կուլեբան ԱՄՆ պետքարտուղար Էնթոնի Բլինքենի հետ հեռախոսազրույցում խնդրել է շարունակել աջակցությունը Կիևին՝ ներառյալ հակաօդային պաշտպանության սարքավորումների և հրետանային զինամթերքի մատակարարումը։
Այս մասին հայտնել է Ուկրաինայի ԱԳՆ-ն։
«Ուկրաինայի ԱԳՆ ղեկավարն ընդգծել է ԱՄՆ-ի և միջազգային հանրության կողմից Ուկրաինային շարունակական աջակցության անհրաժեշտությունն ու հրատապությունը, ներառյալ հակաօդային պաշտպանության և հրետանային զինամթերքը», - ասվում է գերատեսչության հաղորդագրության մեջ:
Գերատեսչությունների ղեկավարները քննարկել են ԱՄՆ-ի կողմից Ուկրաինային աջակցության խիստ անհրաժեշտ փաթեթը հաստատելու հետագա ուղիները։
Կողմերը մտքեր են փոխանակել նաև Վաշինգտոնում ՆԱՏՕ-ի գագաթնաժողովի ակնկալվող արդյունքների շուրջ։
