«Հրապարակ» թերթը գրում է. «Նիկոլ Փաշինյանին եւ իր թիմին այդպես էլ չի հաջողվում ՔՊ-ն դարձնել եվրոպական ազդեցիկ կուսակցությունների ընտանիքներից որեւէ մեկի անդամ։ Արդեն քանի շաբաթ է՝ ՔՊ-ում քննարկում են եւ չեն կարողանում վերջնական որոշման հանգել՝ ում հասցեագրել հայտը, որ չմերժվեն։ Տեղեկություններ կան, որ երկար բանակցել են՝ ԵԺԿ-ին (Եվրոպական ժողովրդական կուսակցություն) անդամակցելու համար, սակայն՝ ապարդյուն։
Դեռ շաբաթներ առաջ ՔՊ-ական մեր աղբյուրներն ասում էին, որ կարծես որոշում ունեն եւ անդամակցության հայտ են ներկայացնելու լիբերալ-դեմոկրատների՝ ALDE ալյանսին, որին Հայաստանից անդամակցում են ՀԱԿ-ն ու ԼՀԿ-ն։ Սակայն նախօրեին ՔՊ կուսակցական հավաքին կրկին քննարկել են այդ հարցը, թե որ միավորմանը ՔՊ-ն պետք է հայտ ներկայացնի, ուղիղ չեն ասել, բայց ներկաներից շատերը գլխի են ընկել, որ ԱԼԴԵ-ում էլ ՔՊ-ին չեն սպասում։
Առավել մանրամասն թերթի այսօրվա համարում
