Մոսկվայում և Մոսկվայի ժամանակով շրջաններում ժամը 20:00-ին փակվել են ՌԴ նախագահական ընտրությունների ընտրատեղամասերը, սկսվել է ձայների հաշվարկը։ Մայրաքաղաքում ընտրողները կարող էին քվեարկել նաև հեռավար էլեկտրոնային քվեարկության (ՀԷՔ) համակարգի միջոցով:
Մոսկվայի ժամանակով ժամը 19:50-ի դրությամբ ամբողջ Ռուսաստանում մասնակցությունը կազմել է 73,33%, հայտնում է Կենտրոնական ընտրական հանձնաժողովը։
Ռուսաստանում նախագահական ընտրություններն առաջին անգամ էին անցկացվում երեք օրվա ընթացքում՝ մարտի 15-ից 17-ը։ Նաև առաջին անգամ հասանելի էր ՀԷՔ համակարգը, որից կարողացավ օգտվել 29 մարզ։ Նախագահի պաշտոնի համար գրանցվել էր չորս թեկնածու՝ Վլադիսլավ Դավանկովը («Նոր մարդիկ»), Լեոնիդ Սլուցկին (ԼԴՊՌ), Նիկոլայ Խարիտոնովը (ՌԴ Կոմունիստական կուսակցություն) և Վլադիմիր Պուտինը (ինքնաառաջադրվել է)։
