«Բավարիայի» նոր գլխավոր մարզիչ Յուպ Հայնկեսը նոր հատուկ կանոններ է հաստատել ակումբի ֆուտբոլիստների համար, գրում է Sport Bild-ը:
Այսուհետ մյունխենյան գրանդի ֆուտբոլիստներին արգելվում է հանդերձարանում օգտվել բջջայիններից, ինչը թույլատրվում էր Կառլո Անչելոտիի օրոք:
Բացի դրանից, Հայնկեսը որոշել է մարզումները սկսել առավոտյան 10:00-ին՝ 11:00-ի փոխարեն, իսկ բուն մարզումներն ավելի ինտենսիվ է դարձրել:
Ֆուտբոլիստները նաև իրենք պետք է հոգ տանեն հանդերձարանի մաքրության և կարգուկանոնի մասին:
Գերմանական թիմի ֆուտբոլիստներին հրահանգվել է սիրալիր լինել իրար և ակումբի աշխատակիցնեի հետ: Մարզումները չեն սկսվում, քանի դեռ բոլորը չեն բարևել իրա:
Եվս մեկ կանոն վերաբերում է սնվելուն: Պարտադիր է դարձել համատեղ ճաշը, և չեղյալ են համարվել դիետաները, քանի որ, Հայնկեսի կարծիքով, ֆուտբոլիստները պետք է առաջնորդվեն իրենց գլխով:
Հիշեցնենք, որ Յուպ Հայնկեսը հարազատ թիմ վերադարձավ հոկտեմբերի 6-ին: