Մադրիդի «Ռեալի» ավագ Սերխիո Ռամոսը, անդրադառնալով թիմի գլխավոր մարզիչ Զինեդին Զիդանի հայտարարությանը, թե Արքայական ակումբը չեմպիոնական միջանցք չի կազմակերպելու «Բարսելոնայի» համար, նշել է, որ պետք է միշտ հարգել մարզչի որոշումը:
«Ես միշտ ասել եմ, որ պետք է միշտ հարգել մարզչի որոշումը: «Բարսելոնան» ևս մեզ համար չեմպիոնական միջանցք չկազմակերպեց:
Պետք է հարգանք լինի, իսկ միջանցքի դերը պետք չէ չափազանցնել: Չեմ կարծում թե «Բարսելոնան» մտածում է այդ մասին:
Ինչպես բոսսն ասի, այդպես էլ կլինի: Եթե մենք չեմպիոնական միջանցք չկազմակերպենք, չի նշանակում, թե չենք հարգում նրանց»,-ասել է իսպանացին: