Ինչպես արդեն հայտնել ենք, Եվրախորհրդի խորհրդարանականվեհաժողովը փոփոխություններով ու լրամշակումներով երեկ ընդունեց Բոսնիայի ու Հերցեգովինայի ներկայացուցիչ Միլիցա Մարկովիչի՝ «Ադրբեջանի սահմանամերձ բնակավայրերի բնակիչները կանխամտածված կերպով զրկված են ջրից» զեկույցը:
Այսօր «Անալիտիկ» մամուլի ակումբը հյուրընկալել էր «Նոր Հայաստան» հանրային փրկության ճակատի քաղաքական խորհրդի անդամ Անդրիաս Ղուկասյանին: Վերջինս, անդրադառնալով վերոնշյալ թեմային, նշեց, որ այս բանաձևի ընդունումը ցույց է տալիս, թե որքան թույլ է Հայաստանն արտաքին քաղաքական հարաբերությունների հարցում:
«Այսօր՝ գիշերը Ազատության հրապարակից բերման ենթարկեցին խաղաղ ցուցարարներին: Քաղաքացիների մոտ եղած գույքն էլ է առգրավվել: Հասարակական կարգը պահպանելու պատրվակով իրավապահները կատարեցին անօրինական քայլեր: Ցուցարարների պահանջն է՝ պատժել ընտրակեղծարարներին: Բայց տեսե՛ք, թե արդյունքում ինչ է լինում: Նման միջադեպերը Հայաստանին հեռացնում են ԵՄ-ից:
Անդրադառնալով երեկ ԵԽԽՎ-ում ընդունված հակահայկական զեկույցին՝ պետք է նշեմ, որ դա Հայաստանում տիրող քրեական ռեժիմի պարտությունն է արտաքին հարաբերություններում: Կուզենայի հիշեցնել, թե ինչպես են քվեարկում Եվրոպայի առաջատար կուսակցությունները:
ՀՀԿ-ն տապալվել է արտաքին քաղաքականության մեջ: Սա կարելի է արձանագրել քվեարկության արդյունքում: Զեկույցն ընդունվեց. 38 պատգամավոր ԵԺԿ-ից դրան կողմ քվեարկեց: ՀՀԿ-ն ԵԺԿ-ի անդամ կուսակցություն է, բայց մենք տեսանք, որ, փաստորեն, կա ճգնաժամ:
Մենք գիտենք, որ մեր երկրում ընտրություններ են կեղծվում: Նոր սահմանադրության հանրաքվեի ժամանակ էլ պարզ դարձավ, որ մեր երկրում մարդու իրավունքների հետ կապված՝ խնդիրներ կան: Ռեժիմը ելել է քաղաքացիների դեմ: Սա տանում է նրան, որ Հայաստանը քայլ առ քայլ հավասարվում է Ադրբեջանի վիճակին՝ ավտորիտարիզմին: Այս տեսակ բանաձևերը շատանալու են: Դա մեծապես անդրադառնալու է ղարաբաղյան հարցի կարգավորման վրա: Գևորգ Սաֆարյանի ձերբակալումն էլ ապացուցեց, որ մարդու իրավուքներն իսկապես խախտվում են մեր երկրում: Ընտրակեղծիքներ իրականացնողների հետ կապված գործերն էլ են կեղծվում ու կոծկվում:
Կոնկրետ Արցախի հետ կապված՝ ունենալու ենք օր օրի մեծացող պրոբլեմներ: Այս բանաձի ընդունման հետևանքով լուրջ խնդիրներ են առաջանալու»,- նշեցբանախոսը:
Անդրիաս Ղուկասյանն անդրադարձավ նաև ԵԽԽՎ-ում՝ Հայաստանի ներկայացուցչական կազմին՝ նշելով, որ նրանց դերակատարությունն այս հարցում այնքան էլ մեծ չէ:
«Պատվիրակությունը չէ, որ պիտիռազմավարություն որոշի: Սա քաղաքականություն է: Սա կոնցեպտ է: Սա քաղաքական ժառանգություն է, որ մինախագահից անցնում է նյուսնախագահին: Պատվիրակության աշխատանքը էական ազդցություն ունենալ չէր կարող սրա վրա: Ֆարմանյանը լրամշակումներ էր արել: Արձագանքներն, ինչպես տեսաք, շատ բացասական էին: Նույնը եղավ Ադրբեջանի ներկայացուցչի պարագայում: Նրանց լրամշակումներն էլ մերժվեցին: Այսինքն՝ պատվիրակությունն էական դեր չունի այստեղ:
Ընդհանուր արտաքին քաղաքականությունն է նմանատիպ դեպքերում մեծ դերակատարություն ունենում: ԵԺԿ-ն սատարեց այս բանաձևին: Այսինքն՝ սա խոսում է այն մասին, որ ԵԺԿ-ն դեմ է ՀՀԿ-ին», - նշեց բանախոսը:
Ըստ Անդրիաս Ղուկասյանի՝ ԵԽԽՎ-ում ընդունված այս զեկույցը Հայաստանի վարկանիշը նկատելիորեն իջեցրեց:
Аnalitik-ի թղթակիցը նկատեց, որզեկույցում նշվում թե իբր խախտվելեն մարդու հիմնարար ազատությունները. ադրբեջանցիները զրկվել են ջրից, այն էլ՝ միտումնավոր: Ու պետք է արվի հնարավոր ամեն ինչ, ադրբեջանցիների իրավունքները վերականգնելու համար: Իսկ հնարավո՞ր է, որ Ադրբեջանն օգտագործի այս ամենը՝ իրռազմական գործողությունները լեգիտիմացնելու համար:
Անդրադառնալով այս խնդրին՝ բանախոսը նշեց. «Այդ բանաձևն, ամեն դեպքում, հակված է նրան, որ հարցը լուծվի խաղաղ պայմաններում: Բայց, անշուշտ, Ադրբեջանն օգտագործելու է ցանկացած առիթ, որ իր ռազմական ներկայությունը ցույց տա: Միայն 2015 թվականին ավելի քան 100 զինվոր է մահացել: Իրավիճակն իսկապես լարված է»:
