Մոսկվայում անցկացվող շախմատի աշխարհի 9-րդ չեմպիոն Տիգրան Պետրոսյանի հուշամրցաշարում այսօր կկայանան 4-րդ տուրի պարտիաները:
Լևոն Արոնյանը սև խաղաքարերով կմրցի հունգարացի Պետեր Լեկոյի հետ: Երկու գրոսմայստերները մտերիմ են և նախկինում իրար հետ անցկացրած պարտիաներում հիմնականում փորձել են խաղաղասիրաբար բաժանվել` առանց «արյուն թափելու»: Սակայն այս ստուգատեսի մեկնարկից հետո երկու շախմատիստներն էլ առայժմ չեն փայլել: Այդ է պատճառը, որ նրանց մրցավեճն այս անգամ հնարավոր է անզիջում լինի և ավարտվի կողմերից մեկի հաղթանակով: Հիշեցնենք, որ Հունգարիայի ուժեղագույն շախմատիստը Հայաստանի հավաքականի գլխավոր մարզիչ, գրոսմայստեր Արշակ Պետրոսյանի փեսան է:
Կկայանան նաև Դին Լիժեն-Գրիշրուկ, Կրամնիկ-Գելֆանդ, Մորոզևիչ-Ինարկիև հանդիպումները:
Շախմատիստները մրցաշարային աղյուսակում այսպես են դասավորվել. 1. Գրիշուկ (3 միավոր), 2. Կրամնիկ՝ 2, 3-5. Արոնյան, Դին Լիժեն, Լեկո՝ 1,5-ական, 6-7. Մորոզևիչ-Գելֆանդ՝ 1-ական, 8. Ինարկիև` 0,5: