Երևանի ավագանու «Լույս» խմբակցության ղեկավար Դավիթ Խաժակյանն իր էջում գրում է.
«Շինթույլտվությունների ոլորտի խնդիրները հասնում են բակեր և վնասում մարդկանց օրինական շահերը:
Նկարում կարող եք տեսնել Հանրապետություն 58 շենքի բակում մի շինարարական աշխատանք, որն սկսվել է Մարությանի կողմից տրված շինթույլտվությամբ և բակային տարածքի հաշվին. խանգարելով բնակիչների ելումուտը իրականացվել են փորման աշխատանքներ: Առանց բնակիչների համաձայնությունը ստանալու քաղաքապետարանը թույլատրել է ձևափոխել շենքի ընդհանուր բաժնային սեփականությունը անտեսելով մի շարք անվտանգային խնդիրներ:
Բնակիչների ջանքերով շինարարությունը դե յուրե կասեցվել է դատարանի որոշմամբ:
Հիմա էլ պարզվում է, որ քաղաքապետարանի պաշտոնյաների թողտվությամբ, քողարված ձևով աշխատանքներ այնուամենայնիվ կատարվել, են և դատարանի որոշման պահին եղած վիճակից շինարարությունը առաջ է անցել:
Ակնկալում եմ համապատասխան ստորաբաժանումների արձագանքը պատշաճ վարչարարության իրականացման տեսքով:
ԶԼՄներին տեղեկացնում եմ, որ բնակիչները պատրաստակամ են իրենց խնդրի մանրամասները ներկայացնելու և հիմնավորելու, որ քաղաքապետարանը այդպիսի շինթույլտվույուն տալու իրավունք չուներ:
Պատրաստ եմ տրամադրել բնակիչների կոնտակտային տվյալները:
Նկարներում կարող եք տեսնել բակային ընդհանուր տարածքի փորման աշխատանքները, ինչը էապես խոչընդոտում է հարակից մուտքերի բնակիչների անցուդարձը»:
