Չինաստանի Ժողովրդական Հանրապետությունը մասնագետների խումբ է գործուղել Իրան՝ կորոնավիրուսի դեմ պայքարին աջակցելու համար։
Այս մասին Тwitter-ի միջոցով տեղեկացրել է Չինաստանի արտգործնախարարության պաշտոնական ներկայացուցիչ Խուա Չունինը։
«Covid -2019 վիրուսը բոլորիս թշնամին է։ Մենք պետք է միասին պայքարենք դրա դեմ։ Ոչինչ չի կարող հաղթել Իրանի ժողովրդին»,- գրել է Չինաստանի ԱԳՆ ներկայացուցիչը։
Ավելի վաղ հայտնի էր դարձել, որ Չինաստանն Իրան է ուղարկել 250․000 բշկական դիմակ, կորոնավիրուսի ախտորոշման թեստեր և դեղամիջոցներ։
Մարտի 1-ի դրությամբ կորոնավիրուսից մահացածների թիվն Իրանում հասել է 54-ի, վարակվածների թիվը՝ գրեթե 1000-ի։
regionmonitor
