Սաուդյան Արաբիայի Առողջապահության նախարարությունը հայտնել է նոր կորոնավիրուսով վարակման առաջին դեպքի մասին: Հիվանդը Սաուդյան Արաբիայի քաղաքացի է, որը ժամանել է Իրանից։ Այս մասին հայտնում է ՌԻԱ ՆՈՎՈՍՏԻ կայքը։
Ըստ հաղորդագրության՝ վիրուսակիր քաղաքացին չի հայտնել երկրի իշխանություններին, որ այցելել է Իրան Բահրեյնից:
Առողջապահության նախարարությունը հայտարարել է, որ անհապաղ ուղարկել է վարակի վերահսկողության խումբ, որպեսզի ստուգեն քաղաքացուն և լաբորատոր հետազոտության համար նմուշ վերցնեն՝ զգուշավորության իրենց միջոցառումների շրջանակում:
Արդյունքները հաստատել են, որ տղամարդը վարակված է COVID-19-ով: