Կորոնավիրուսի վարակի բռնկումը չի ազդել Ռուսաստանի նախագահ Վլադիմիր Պուտինի աշխատանքային գրաֆիկի վրա: Այս մասին հայտնել է պետության ղեկավարի մամուլի քարտուղար Դմիտրի Պեսկովը, փոխանցում է ՌԻԱ Նովոստին:
Ըստ Պեսկովի, նախագահի մոտ միջոցառումներն անցնում են ինչպես միշտ, սակայն ձեռնարկվել են բոլոր նախազգուշական միջոցները: Նա ավելացրել է, որ Կրեմլում կորոնավիրուսի վերաբերյալ նոր առաջարկություններ չեն ստացվել, սակայն վիրուսի հետ կապված իրավիճակին ուշադիր հետևում են: