Ղրղզստանի վարչապետ Մուհամմեդքալըյ Աբըլգազիևը Ազգային անվտանգության խորհրդի առաջարկով երկրում արտակարգ դրություն է հայտարարել: Այս մասին հայտնում են երկրի կառավարության մամուլի ծառայությունից:
Արտակարգ դրությունը հայտարավել է կորոնավիրուսի տարածումը կանխելու համար:
Վարչապետը միևնույն ժամանակ նշել է, որ հայտարարված արտակարգ դրությունը որևէ կերպ չի ազդելու այլ երկրներից մատակարարումների վրա, քաղաքացիները որևէ ապրանքատեսակի մասով խնդիրներ չեն ունենալու:
Վերջին տվյալներով, երկրում կա կորոնավիրուսով վարակված 12 քաղաքացի:
