Քանի որ կորոնավիրուսով վարակվածների մեծ մասը «Նորքի ինֆեկցիոնում» է, ես 35 միլիոն փոխանցել եմ միայն հիվանդների համար, որ կարողանան ապաքինման համար բոլոր անհրաժեշտ ծախսերն անեն: Հատուկ 10 միլիոն էլ փոխանցել եմ որպես պարգևատրում այդ հիվանդանոցի բոլոր բուժաշխատողներին: Խորհրդարանում լրագրողների հետ զրույցում հայտարարեց ԲՀԿ առաջնորդ Գագիկ Ծառուկյանը:
Ծառուկյանը հայտարարեց, որ բուժաշխատողներն առավոտից երեկո, գիշեր-ցերեկ աշխատում են, դա պետք է գնահատվի. «Ես իմ շնորհակալությունն եմ հայտնում բոլորին: Դրանից բացի, քանի որ 20 պացիենտ էլ կա Գյումրիում, այնտեղ փոխանցել ենք 10 միլիոն հիվանդներին, 5 միլիոն էլ բուժաշխատողներին՝ որպես պարգևավճար»:
