Մենք անհանգստացող որոշակի ցուցանիշներ ենք ստացել։ Գիշերը ֆեյսբուքյան ուղիղ եթերում հայտարարեց ՀՀ վարչապետ Նիկոլ Փաշինյանը՝ նշելով, որ 41 նոր հաստատված դեպք կա:
Փաշինյանը հայտնեց, որ դեպքերի ծավալը և աշխարհագրությունը որոշակի անհանգստություններ է առաջացնում. «Կոտայքի մարզի արտադրական ձեռնարկությունում է հայտնաբերվել վարակի դեպք, Երևանի արտադրական ձեռնարկություններից մեկում է հայտնաբերվել վարակի դեպք՝ Էրեբունի համայնքի, և մենք այս պայմաններում պետք է մի պահ՝ մի շաբաթով, ավելի ընդարձակ սահմանափակող միջոցներ ձեռնարկենք, որպեսզի կարողանանք վիրուսի հետագա տարածումը կանխարգելել»:
