ՀՀ փոխոստիկանապետ Հայկ Մհրյանը չի բացառում, որ մայրաքաղաքի ծայրամասերում, չնայած պահանջին, կարող են քաղաքացիների որոշակի կուտակումներ լինել: Այս մասին նա խոսեց այսօր՝ մարտի 28-ին, մամուլի ասուլիսի ժամանակ:
«Մենք պետք է ըմբռնումով մոտենանք, Ոստիկանության թվաքանակն անսահմանափակ չէ: Ոստիկանությունն իր ծառայությունն իրականացնում է նշված երթուղիներով՝ հաջորդաբար, և հնարավորության դեպքում փորձում է պրոցեսն ավելի կառավարելի պահել»,-ասաց նա:
Ամեն դեպքում Մհրյանը չի կարծում, որ բարձր տուգանքները չեն օգնի: Նա նաև վստահ է, որ հասարակությունը գիտակցության բարձր մակարդակ ունի, պետք է փորձել կատարել բոլոր պահանջները, որպեսզի հնարավոր լինի շուտ հաղթահարել վիրուսը: