Ջոու-Ջոնսի արդյունաբերական ինդեքսն այս տարվա սկզբից աճել է 5%-ով՝ հաշվի առնելով անցյալ տարվա 35% թռիչքը: Այս կերպ Ջոու-Ջոնսի ինդեքսն այս պահին 155%-ով ավել է նվազագույնից, որին այն հասել էր 2009թ.-ի մարտին:
Սա նշան է, որ մոտ ապագայում ամեն ինչ կարող է վերջանալ:
Մի կողմից այնպիսի տնտեսական աճ, ինչպիսին է ֆոնդային շուկաներինը վերջին մի քանի տարիների ընթացքում, ոչ ոք չունի: Եվ սա այն դեպքում, երբ չկա կորպորոտիվ շահույթ:
Բացի այդ, գին/շահույթ (P/E) գործակիցը բավականին բարձր է միջինից: Յելի համալսարանի հայտնի պրոֆեսոր, տնտեսագետ և գրող Ռոբերտ Շիլլերը կարծում է, որ ներկայիս շուկայի դրությունը հիշեցնում է 2008թ-ի իրավիճակը՝ արժեթղթերի գնանկումից առաջ:
Այն ժամանակ ֆոնդային շուկան կարողացավ խուսափել նմանօրինակ դեպքերից՝ գնանկում ունենալու արդյունքում: 10% գնանկումը (կամ շտկումները) տեղի է ունենում մոտավորապես 12 ամիսը մեկ անգամ:
«Ցուլերի» շուկան կարողացավ շրջանցել շտկումները 33 ամիս շարունակ՝ ավելի երկար, քան սովորաբար կարողանում է: «Ցուլերի» ընթացիկ շուկան տևողությամբ չորրորդն է 1929թ.-ի ճգնաժամից հետո:
Պարտատոմսերի հայտերն աճում են: Սա խոսում է այն մասին, որ արժեթղթերի գնորդներն անհանգստացած են տնտեսության վերականգնման շարունակականությամբ:
Անտեսելով այս բոլոր նախազգուշացնող նշանները, ֆոնդային շուկան շարունակում է գնալ դեպի վերև: Արժեթղթերը պահանջարկ ունեն պարտատոմսերի և ցածր տոկոսադրույքով թղթադրամների բացակայության շնորհիվ:
Ֆեդերալ պահուստային համակարգը էլ իր հերթին պահում է ցածր դրույքաչափեր, որպեսզի կարգավորի տնտեսությունը: Այն փչում է բաժնետոմսերի գները՝ ստեղծելով տնտեսական փուչիկ:
Մնում է սպասել, որպեսզի պարզ դառնա, թե ինչ կլինի բաժնետոմսերի հետ, երբ Ֆեդերալ պահուստային համակարգը որոշի բարձրացնել դրույքաչափերը: