Հասարակություն Պատահարներ 

Հայտնի է՝ ով էր Հրազդանի «Մամաներ» կոչվող տարածքում դժբախտ պատահարից մահացողը

Հրազդան քաղաքի վարչական տարածքում գտնվող «Մամաներ» կոչվող տարածքում դժբախտ պատահարից մահացողը  Հրազդանի Ջրառատ թաղամասի թաղապետն էր` Ստեփան Կոտանյանը: Այս մասին NEWS.am-ին հայտնեց Հրազդանի քաղաքապետի մամուլի խոսնակը:

Հրազդանի քաղաքապետ Սեւակ Միքայելյանն էլ իր ֆեյսբուքյան էջում իր ցավակցությունն էր հայտնել դժբախտ պատահարի հետ կապված:

«Դժբախտ պատահարի հետևանքով այսօր կյանքից վաղաժամ հեռացել է մեր գործընկեր Ստեփան Կոտանյանը:

Խորապես վշտացած ենք Ջրառատ թաղամասում Հրազդանի համայնքապետարանի լիազոր ներկայացուցիչ` Ստեփան Կոտանյանի վաղաժամ մահվան կապակցությամբ:

Դժբախտ պատահարն այսօր խլեց մեր գործընկերոջ և մեծ բարեկամի կյանքը: Նրա մահը ծանր կորուստ է բոլորիս համար: Խորին ցավակցությունս և կարեկցանքս եմ հայտնում Կոտանյանների ընտանիքին, հարազատներին և ընկերներին: Հարգենք և վառ պահենք թեև կարճ, բայց բովանդակալից և հարգալից կյանքով ապրած ազնվագույն մարդու և ընկերոջ հիշատակը»,- գրել էր նա:

  •  
  •  
  •  
  •  
  •  
  •  
  •  
  •  
  •  

Նույն շարքից