Այսօրվա իշխանություններն անօրինական, հողատու ազգադավ իշխանություններ են: Արցախը հանձնեցին, այսօր էլ Հայաստանի հողերն են հանձնում:
Ես զինվորական եմ, իմ արժանապատվությանը դեմ է այս իշխանությունների ենթակայության տակ ծառայելը: Լրագրողների հետ զրույցում հայտարարեց ժողովրդին միացած զինվորականը՝ փոխգնդապետ Ռազմիկ Գևորգյանը:
Հիշեցնենք, որ այս պահին ակցիաներ են ընթանում ոչ միայն Երևանի տարբեր հատվածներում, այլ նաև մարզերում, որտեղ ճանապարհներ են փակվել, գործադուլներ հայտարարվել Նիկոլ Փաշինյանի հրաժարականի պահանջով:
Զինվորականն ասաց, որ պետք է պայքարեն, նորմալ իշխանություն գա. «Տեր լինենք մեր հողին»,-ասաց նա:
Ժողովրդին միացած զինվորականը հայտարարեց, որ մեր բանակը մարտունակ էր, զինվորներն իրենց խնդիրները լիարժեք կատարել են. «Ուղղակի իշխանությունները հրաման են տվել զինվորներին հետ իջնել ու հողերը հանձնել են:
Բանակը մարտունակ էր, այսօր էլ մարտունակ է, ուղղակի ղեկավարությունը, չգիտեմ ինչու, հողերը տալիս է»: