ԱՄՆ նախագահ Ջո Բայդենը հուլիսի 9-ին հեռախոսազրույց է ունեցել Ռուսաստանի նախագահ Վլադիմիր Պուտինի հետ: Այս մասին հայտարարել է Սպիտակ տունը:
Ամերիկյան վարչակազմի հաղորդագրության մեջ նշվում է, որ քաղաքական գործիչները «շատ բարձր են գնահատել իրենց թիմերի համատեղ աշխատանքը Ժնևում ԱՄՆ-Ռուսաստան գագաթնաժողովից հետո», մասնավորապես՝ Սիրիայում տիրող իրավիճակի համատեքստում:
Սպիտակ տունը նշել է, որ Բայդենը խոսել է կիբերհարձակումների մասին, որոնք ազդել են ԱՄՆ-ի և աշխարհի այլ երկրների վրա:
