Կառավարությունը փորձում է պայքարել ավտոմեքենաների պետհամարանիշների գողությունների դեմ: Այսօր կառավարությունը քննարկեց ու ընդունեց նախագիծը, որը վերաբերում է սույն հարցին:
Ոստիկանապետ Վահե Ղազարյանը հիշեցրեց, որ այսօր գործող կարգով, եթե կորում են ավտոմեքենայի երկու պետհամարանիշները, նա զրկվում է դրանք վերականգնելու հնարավորությունից:
Նշենք, որ հենց այս կարգավորումն է թույլ տալիս որոշ մարդկանց տիրանալ պետհամարանիշներին ու գումար շորթել դրանց տերերից:
Փոփոխությունից հետո զույգ համարանիշների կորստի դեպքում օգտագործողին, իր ցանկությամբ, պետական տուրքի վճարի դիմաց՝ 12 հազար դրամ, կհատկացվի նոր համարանիշների կրկնօրինակը՝ հերթական վերաթողարկմանը համապատասխանող արաբական թվաշնանով գրառմամբ:
Որոշումն ուժի մեջ է մտնելու պաշտոնական հրապարակումից 3 ամիս հետո:
