Հեռախոսազրույց է տեղի ունեցել Ռուսաստանի Դաշնության նախագահ Վլադիմիր Պուտինի և Իրանի Իսլամական Հանրապետության նախագահ Էբրահիմ Ռեիսիի միջև։ Այս մասին հայտնում է Կրեմլի մամուլի ծառայությունը։
Երկու երկրների նախագահները քննարկել են երկկողմ հարաբերությունների ամրապնդման հարցը, անդրադարձել Շանհայի համագործակցության կազմակերպության շրջանակներում համատեղ կատարելիք աշխատանքներին և իրանական միջուկային գործարքի համաձայնագրի խնդրին։
