ՀՀ ԱԺ Եվրաինտեգրման հարցերի մշտական հանձնաժողովի նախագահ Արման Եղոյանը, անդրադառնալով ադրբեջանցի պատգամավորների ելույթներին Երևանում ընթացող Եվրանեսթի խորհրդարանական վեհաժողովի հանձնաժողովի նիստին, նկատեց, որ Բաքվի պնդումները, թե Ադրբեջանը հանդիսանում է բազմամշակութային երկիր, չի համապատասխանում իրականությանը։
«Ուզում եմ հասկանալ, եթե Ադրբեջանը բազմամշակութային երկիր է, ապա ո՞ւր են այն 500 հազար հայերը, որոնք բնակվում էին Բաքվում և Սումգայիթում, ինչո՞ւ նրանք չկան։ Ադրբեջանը հատուկ հանձնաժողով է ստեղծել, որը պետք է փոխի հայկական եկեղեցիների վրայի գրառումները՝ դարձնելով այն ալբանական։ Ես, իհարկե, լավ չեմ հասկանում, թե ինչի մասին է խոսքը», - նշել է նա՝ հավելելով, որ Արցախի մշակութային ժառանգությունն արժանանալու է Նախիջևանի խաչքարերի ոչնչացման ճակատագրին։
Եղոյանի ելույթին պատասխանել է նիստին մասնակից ադրբեջանցի պատգամավոր Սոլթան Մամեդովը։
