Հայաստանում և Բելառուսում խոշոր արտադրությունները ձեռնտու չեն ոչ ԵՄ-ին, ոչ ՄՄ-ին: NEWS.am-ի թղթակցին նման կարծիք է հայտնել քիմիական գիտությունների դոկտոր, Բելառուսի Գիտությունների ակադեմիայի Նոր նյութերի քիմիայի ինստիտուտի տնօրեն Վլադիմիր Աղաբեկովը: «Միամտություն է կարծել, թե Ռուսաստանը կօգնի կառուցել նավթամշակման գործարան և մրցակցություն ստեղծել Սալավատի կամ Ստերլիտամակի իր գործարանների համար: Կամ էլ ԵՄ-ն ինչի՞ համար է իրեն միացնում Ուկրաինային:
Այդ ժամանակ հինգ տարի անց այնտեղ ոչ մի արտադրություն չի մնա: Նույնիսկ ածուխ և պողպատ: Մի՞թե Կրուպպը նրանց կտա իր շուկան», – հավելել է գիտնականը:
Ըստ նրա՝ Հայաստանի համար ցածր տոննաժով քիմիան բարձրից ավելի ձեռնտու է: «Հայաստանի, Բելառուսի, Լատվիայի կամ Լիտվայի նման երկրների համար դա ամենահիմնականն է: Խոշոր արտադրությունները ձեռնտու չեն: Շուկայում մեծ մրցակցություն կա», – նշել է Վ. Աղաբեկովը:
Ըստ նրա՝ դա ունի երկու պատճառ. փոքր քիմիայի բարձր ավելացված արժեքը և շուկայում խոշոր մի շարք երկրների դեմպինգը:
«Օրինակ, մենք ներկանյութ էինք ստեղծել, այն վաճառվում էր մեկ կգ-ը 150 դոլարով: Եվ ահա մեր ինստիտուտ եկան Hewlett Packard-ի ներկայացուցիչները և իրենց անհրաժեշտ 250 մգ ներկանյութի համար վճարեցին 25 հազար դոլար: Ահա և ձեզ տարբերությունը», – նշել է Աղաբեկովը: