«Բարսելոնայի» գլխավոր մարզիչ Կիկե Սետյենը Sport-ի հետ հարցազրույցի ժամանակ խոսել է Ուսման Դեմբելեի մասին, ով շարունակում է վերականգնվել վնասվածքից:
«Նա անսովոր տաղանդի տեր տղա է: Կփորձենք մաքսիմալ օգուտ ստանալ դրանից: Ուսմանը շատ բան է տալիս թիմին՝ անկախ նրանից, թե որ դիրքում է խաղում: Ես հազիվ էի զսպում արցունքներս, երբ տեսա, թե ինչպես է նա աշխատում»,-ասել է նա:
«Նա իրեն ավելի վստահ է զգում հարձակման եզրերում: Մենք Ուսմանին գնդակ կտանք ու նա հնարավորություն կունենա ցույց տա, թե ինչի է ունակ: Հույս ունենք, որ նրա ելույթները կայուն կլինեն»,-հավելել է կատալոնական գրանդի մարզիչը:
