Տալինից Սանկտ Պետերբուրգ ուղևորվող ավտոբուսի ուղևորը հազացել է ուղևորության ընթացքում և սկանդալի մեջ հայտնվել: Այս մասին գրում է RusDelfi-ն:
Հրապարակման համաձայն, դեպքը տեղի է ունեցել մարտի 10-ին, Նարվայում Էստոնիայի և Ռուսաստանի սահմանին: Ուղևորներից մեկը սկսել է անդադար հազալ, ինչի արդյունքում ավտոբոսում վիճաբանություն է սկսվել մնացած ուղևորների հետ։
Արդյունքում, սահմանապահները խնդրել են տղամարդուն դուրս գալ ավտոբուսից: Կորոնավիրուսով վարակված լինելու կասկածի պատճառով նրան ջերմաչափել են, ինչպես նաև արձանագրել ուղևորի հարազատների և ընկերների հետ ունեցած շփումները: Բացի այդ, ռուսական սահմանին տղամարդուց ճշտել են երթուղին, ինչից հետո նա վերադարձել է ավտոբուս և շարունակել ուղևորությունը:
