Թուրքիայի պաշտպանության նախարար Հուլուսի Աքարը կորոնավիրուսի հնարավոր տարածումից խուսափելու և հիվանդության ներթափանցումը բանակ կանխելու նպատակում հայտարարել է զորամասերում որոշ ժամանակով զինծառայողների արձակուրդների արգելման մասին:
Այս միջոցառումների շրջանակում նշվում է, որ զինծառայողների հարազատներին թույլ չի տրվելու մասնակցել նաև զինվորական երդման և զորացրման արարողություններին:
«Տարատեսակ պաշտպանական միջոցներ ենք ձեռնարկել մեր զորամասերում: Սահմանափակել ենք զինվորական պատվիրակությունների կապերը արտասահմանի հետ: Բացի այդ, որոշ ժամանակով Թուրքիայի բանակում դադարեցրել ենք ձեռքսեղմումները»,-ասել է Աքարը:
