Առաջիկա տրանսֆերային պատուհանի ժամանակ «Բարսելոնան» պատրաստ է ավելի հաճախ իր խաղացողներին փոխանակել կամ ներառել նոր գործարքներում:
Ինչպես փոխանցում է ESPN-ը, հիմա կատալոնական գրանդը ունի երկու թիրախ՝ Լաուտարո Մարտինես և Նեյմար:
Կատալոնացիները նաև ցանկանում են աջ պաշտպան, կենտրոնական պաշտպան և կենտրոնական կիսապաշտպան ձեռք բերել:
Նշվում է, որ «Բարսելոնայում» միայն երեք ֆուտբոլիստ կա, որոնք որևէ դեպքում չեն հեռանալու, մյուսների հարցը փակված չէ: Նշյալ ֆուտբոլիստներն են Լեոնել Մեսսին, Մարկ-Անդրե տեր Շտեգենը և Ֆրենկի դե Յոնգը: