Ամերիկացի գիտնականները ցույց են տվել, թե ինչպես կարող է տարածվել կորոնավիրուսն ինքնաթիռում, եթե սրահում կա վարակված ուղևոր: Տեսանյութը հրապարակվել է Ինդիանա նահանգի Պերդու համալսարանի կողմից, փոխանցում է The Sun-ը:
Կադրերում երևում է, թե ինչպես է վարակված մարդը սկսում հազալ և նրանից դուրս եկած միկրոբները տարածվում ինքնաթիռի սրահում: Նշվում է, որ նման իրավիճակում հիվանդությունն օդակաթիլային ճանապարհով կարող է փոխանցվել գրեթե յուրաքանչյուր ուղևորի, հատկապես նրանց, ովքեր շատ մոտ են գտնվում վարակված մարդուն:
