Ռուսաստանի վարչապետ Միխայիլ Միշուստինի համար, որը վարակվել է կորոնավիրուսով, մշակել են հատուկ թերապիա: Դրա համար անհրաժեշտ դեղը պատրաստվում է միայն ԱՄՆ-ում, գրում է Baza Telegram հեռուստաալիքը՝ Lenta.ru-ի փոխանցմամբ:
Ըստ լրատվամիջոցի, Միշուստինը գտնվում է Մոսկվայի Կենտրոնական կլինիկական հիվանդանոցի հատուկ բաժանմունքում: «Սովորական մարդիկ չեն կարողանա մուտք գործել այս բաժին», - ընդգծում է Baza-ն: Նրա վիճակը գնահատվում է չափավոր: Բժիշկները վարչապետի համար մշակել են հատուկ թերապիա, որի օգտագործման համար անհրաժեշտ է հատուկ ցածր թունավոր դեղամիջոց, որն արտադրվում է միայն ԱՄՆ-ում: Առողջապահության նախարարությունը զբաղվում է դրա ձեռքբերման հարցով:
Ավելի վաղ կառավարության ղեկավարի մամուլի քարտուղար Բորիս Բելյակովը հայտարարել էր, որ Միշուստինը շարունակում է ակտիվորեն աշխատել և հեռախոսով շփվում է գործընկերների հետ:
Այն փաստը, որ Ռուսաստանի վարչապետը վարակվել է կորոնավիրուսով, հայտնի դարձավ ապրիլի 30-ին: Կորոնավիրուսի համար դրական թեստ ստանալուց հետո ՌԴ վարչապետն այդ մասին անձամբ է տեղեկացրել Նախագահ Վլադիմիր Պուտինին: Փոխվարչապետ Անդրեյ Բելուսովը նշանակվել է կառավարության ղեկավարի պաշտոնակատար:
