Մարտավարական բարդ իրավիճակներում հատուկ նշանակության ստորաբաժանումների զինծառայողների արագ և ճշգրիտ գործելու հմտությունները կատարելագործելու նպատակով 5-րդ զորամիավորումում անցկացվել է մասնագիտական պարապմունք: Այս մասին Analitik.am-ը տեղեկանում է ՀՀ ՊՆ մամուլի ծառայությունից։
Անձնակազմը հատուկ հնարքների կիրառմամբ կատարել է առաջադրված խնդիրները, գրավել պայմանական հակառակորդի հենակետերն ու կազմակերպել պաշտպանություն նոր դիրքերում:
