Աթենքի բնակչուհին մահացել է AstraZeneca-ի դեղամիջոցով պատվաստվելուց 14 ժամ անց, հայտնում է Politispress պորտալը:
Ըստ մահացածի հարազատների՝ կինը առողջական խնդիրներ չի ունեցել: Նրա ամուսինն ասել է, որ իր կինը պատվաստվել է նախորդ օրը` ժամը 12:00-ից հետո: Երեկոյան նրա ջերմությունը բարձրացել է, իսկ գիշերը նա մահացել է:
Դատաբժշկական փորձագետները կարծում են, որ կինը սրտի կաթված է ստացել, սակայն մահվան ճշգրիտ պատճառը փորձագետները կպարզեն:
Սա Հունաստանում պատվաստումից հետո մահվան առաջին դեպքը չէ, սակայն դիահերձումները պատվաստումների հետ անմիջական կապը չեն հաստատել: Երկրում պատվաստումների համար օգտագործվում են Pfizer-BioNTech-ի, AstraZeneca-ի, Moderna-ի եւ Johnson & Johnson-ի դեղամիջոցները:
